Græna Bomban er grænn drykkur sem ég hef drukkið í nokkur ár, nær undantekningarlaust, á hverjum degi. Ég drekk um 500-700 ml af honum og er hann byggður á uppskrift Kimberly  sem hún kallar Glowing Green Smoothie og kalla ég drykkinn einfaldlega GLÓANDI GRÆNA BOMBAN á mínu heimili. Börnin mín er jafnframt farin að drekka hann og sérstaklega elsti sem er 9 ára.

Þessi drykkur er að svo mörgu leiti bjargvætturinn minn. Ég byrjaði að drekka hann einfaldlega til að hreinsa líkamann og vera viss um að ég fái hellings næringu strax í upphafi dags. Hann er það fyrsta sem ég læt ofan í mig (fyrir utan heitt sítrónu vatn, vítamín/bætiefni og kaffi) og er hann fljótur að komast þannig í gegnum magann og í smáþarmana þar sem næringin er tekin upp í líkamann.

Það hafa fylgt því töluverðir kostir að drekka þennan drykk fyrir utan bætta heilsu og meltingu en húðin á mér hefur aldrei verið betri, liturinn á húðinni varð fallegri, hárið fallegra, neglurnar vaxa betur og tennurnar hvítari. Þetta er algjör fegurðardrykkur og hjálpar okkur að tryggja fegurðina frá innstu rótum <3

Munið bara fyrst og fremst að  hafa alltaf um 70% af drykknum grænmeti og 30% ávexti.

Uppskriftin mín er oftast þessi:

100  gr spínat

50-100 gr romain salat/grænkál (eða bara annað grænt salat sem þið eigið)

3-4 stilkar sellerí

1 lítið lífrænt epli (eða hálft stórt ólífrænt epli, nú eða lítið)

1 lítill lífrænn banani (eða hálfur stór ólífrænn banani, eða heill lítill)

1 lífræn sítróna (safinn úr henni)

1-2 cm bútur af engifer og/eða slatti af ferskri steinselju (valkvætt en mæli með að hafa)

300-400 ml ískalt vatn (eða eftir þörfum)

Glowing Green Smoothie
Helsta hráefnið

Setjið salatið/kálið ásamt sellerí, engifer, steinselju og vatni í blandarann og blanda vel í ca 2 mínútur

Bæti þá eplinu, banana og sítrónusafan og blanda í ca 30 sek – 1 mín í viðbót.

Stundum set ég avocado og minnka þá magnið af einhverju öðru. Það er líka mjög gott að setja ferskar kryddjurtir ef þið eigið eða ferskt engifer, t.d. hef ég sett steinselju, myntu og basilikku og finnst mér allt fara þessum drykk vel. Ef ég á ekki epli nota ég peru, mangó eða eitthvað annað. Það má alveg mixa og matcha eins og manni dettur í hug en halda alltaf hlutfallinu 70/30 og reyna að hafa allt lífrænt.

Það sem þið þurfið að eiga:

Spínat og grænkál eða Romain (eða bara blandað salat – má líka vera bara spínat), sellerí, epli, banani, sítróna eða sítrónusafi. Gott líka að eiga: avocado, ferskar kryddjurtir, peru, mangó.

NJÓTIÐ VEL!

Væri gaman að heyra frá ykkur ef þið búið til ykkar eigin útgáfu sem ykkur finnst betri eða hvað ykkur finnst um þessa <3

Leave a Reply

Your email address will not be published. Required fields are marked *